الشاعر: أحمد عبد الحق
الخلاصه وبأمانه
من غير ماأحضر في الحروف
من غير أي إحساس بخوف
بحبك
أيوه بحبك
من غير ماتسألوا كل الأحبة
أصل جرحي لمايوجع
يحتاروافيه كل الأطباء
ممكن تسألوا القمر
إزاي بيعشقوه كل النجوم
والعين لما بشوفك
إزاي بتروح الهموم
والقلب لمايحسك
يقول علي طول بحبك
ينشق نور الشمس
أحس إيدك
أحس حضنك
تتمحي جوايا كل الغيوم
هتصدقيني لوقلتلك
رغم العمر اللي فات
رغم الحلاوة اللي فيها
رغم قسوتها
بتمني أعيشك في اللي فات
واللي الجي
أتمنى أحسك كل يوم
بصراحة بدون ماأدري
وأخد علي خاطري منك
إزاي تكوني حتة مني
وأزاي أكون حتة منك
وتقولي نفترق
بعد مارجعتيلي عمري
عاوزه ببساطه يتسرق
لا وحياة حبي ليك
لاهقدر أبعد عن حياتك
ولاقلبي تاني يتحرق
لو علي الخصام ..خاصمينى
ولاعلي العتاب..
برضو برقه عاتبيني
ولو علي القسوة ياقلبي
أقسى براحتك وريني
وآخرة الكلام
ربنا مايجعله بينا أخرالكلام
أقولك شيء بيوجعني
وأثق بقلبك بيسمعيني
القدر جمعنا
وكان من بدري متأجل
كله مكتوب علينا
في لوح محفوظ ومتسجل
لو تقدري تبعدي يلا
قوام بسرعه وريني
إزاي في البعد
قلبك هيعيش ويتحمل
أوعاك في يوم تقولي
كان حرف رغم إحساسه
مات قبل مايتجمل
كان حضن حنين
جيت أحسه
طلع من جوايا وأستعجل
أنا بحبك
أيوه بحبك رغم العناد
رغم البعاد
رغم أن ساعات أحسك
بتعمليني بغباء
أقولك نصيحه
يمكن بس تكون صريحه
زي ماتفتكري إني بحبك
حاولي تفتكري
إن رغم حبي
شاعر عايش يادوب
بحبة حروف
ويادوب شوية كبرياء
