المهدي تركي الرياحي
المملكة تعطى العالم ضياء و أهتمام
والنور ساطع على الدنيا من المسجدين
والراية اللي بها التوحيد فوق الحسام
من حولها تجتمع دوله وشعب فطين
سلام يا المملكة دار العدل والسلام
يادارنا الطاهرة ياقبلة المسلمين
أرضك مكان الأمن والعدل وأحسن النظام
وأنتي وصلتي مكانة تسعد العالمين
سماك سحب ومطر وأسراباً من الحمام
في كل يوماً على صرح العلاء تصعدين
الله يزيدك فخر يابلادنا كل عام
وأنتي بخير ورخاء وملوكنا سالمين
في نهضة شاملة تحظى بكل إهتمام
متابعه من ملك وولي عهدٍ أمين
أشرق بها النور من عبد العزيز الإمام
وصارت كما الدانه اللي تسعد الناظرين
فيها سواعد بناء فيها عقول الكرام
فيها إخلاص وولاء وبربها تستعين
أهدافنا رؤيةٍ وأنظارنا للأمام
وعزمٍ على الحق ثابت قاسياً مايلين
حنا نعرف الكرام وعارفين اللائام
وما يكره المملكة إلا من أصله هجين
حنا نراقب بصمت وعيننا ما تنام
وإذا زعلنا على من غره إبليس شين
نصبر ونعطي فرص ومؤجلين الخصام
حتى نشوف الخطا ما يقبله صابرين
ونعرف ويش اللي يديرونه وحوش الظلام
ونعرف متى ننهي اللي خان والظالمين
واللي ما يهتم فينا مال حجمه مقام
ونجزاه مثل اللي قدمنا لنا مرتين
الله خلقنا كذا ما نعرف الأنهزام
طبعٍ ورثاه ونوصي به الوارثين
