الشاعر : أحمد عبد الحق
حبي وأعشقي زي بعضه
أوعى تجرحي قلب حبك
وتقولي غيرة
يوووووبقي
عنتر زمان حب عبلة
تغنوا بكلامه أحلى الحريم
لما كانت عبلة بتسمع
أنا عند عنتر
كل الستات والحريم
بتجرحي وتقولي عادي
طب وماله
عادي عادي
طب وريني حد حبك
زي حبي ليك عادي
ولا فيه احساس ماليك
زي أحساسي بيك عادي
عاوزة تمشي
مليت قلبي
مفتكرش انك عندي
حد حسيته ..حبيته عادي
أنا اللي علمتك
إزاي تكتبي مشاعرك حروف
وأنا اللي فهمتك
يعني ايه تعيشي احلامك
ازاي تتحدي الظروف
وأنا اللي بدلت اوهامك
أنا اللي طمنتك
طلعتك من ضلع خوف
أتحسدنا..برضو ممكن
غاروا منا اكيد ويمكن
كل شيء جايز وممكن
المهم نبقي ويبقي
اللي بينا أقوي مافينا
اجمد من كل الظروف
مليت حبي ..طب وماله
زهقتي مني
هو فيه قلب ينفع
لو غيروه
لو يحركوا احساس مكانه
لو قدرتي تعيشي غيري
عيشي يلا
بس حطي قلب ميت
ورد مات من غير اوانه
وعلميني أي حاجه
خرجيني من حياتك
لو قدرتي
وفكريني بيك ديما
لما قلت ولما قولتي
علميني الصعب يلا
وأفتكري بغباوة منك
دوست علي أجمل مشاعر
فاكرة أني اللي أتكسرت
في الحقيقه
أنت كمان اتكسرتي
