الشاعر :محمد جمعان الدوسري
امزح ولكن في حدود الموده .
بعض المزح في غير وقته سماجه
وإعرف هوى خلك وجوه ووده……
ولاتجاوز في مزاجك مزاجه
وإذاحصل من صاحبك جهل عده……..
من قبل ما تغلط و تشرب هماجه
وباب الزعل اذا انفتح لك فسده……..
وابعد عن ادروب الغلط واللجاجه
واللي يكودك قبل يشقيك رده….
من قبل مايكبر ويصعب علاجه
واللي يدور بسمتك لاتصده……….
حتى تشوف الود يملا أحجاجه
كم من ضعيف(ن)أتعبه ضول كده……..
يطرد ورى حظ(ن)تزايد عجاجه
وزمل الشقا لو خف حمله فهده…….
لوكان بالراحه ينادي بهاجه
وإترك طريق العيب هزله وجده…….
العيب شين ومايضوي سراجه
لو هو ضحك لك ساعة بمد يده……….
لابد تتعب لاشراك بعواجه
وحبل الموده بين الاحباب شده……..
وأحكم وثاقه لايبين ارتجاجه
وإن جاك من يغليك حاذر ترده………
لجاك يطرد حاجته بختلاجه
وحاذر زبون الغي لو زان مده………
خله بعيد ولاتقارب فجاجه
محمد جمعان الدوسري
