محمد جمعان الدوسري
سلامي على نسمة هبوبك إذا هبت…………………
وطلت محيا وجنتك ياحبيب الروح
سلام(ن)يفيض بشوق قلبي لمن لبت……………….
به أشواق خله وين وجه ووين يروح
يطيب الغرام في دوحها لين ما إنكبت…………………
أسارير شوقي والهوى لاسطا مايشوح
يعالج محول(ن)أجدبت بس ما أنجبت……………….
ويطرد شجوني فمهم(ن)للألم مفسوح
وتمطر سحايب طلته شوق لاصبت……………….
هماليل مزن(ن)ارزمت والهوى مسموح
وتورق غصون أذبلت علهاتنبت………………
مفالي الصبابه تحترى طلت المملوح
غدير الموده ديمته بالوله صبت………………..
على القاع وازهر وردها لين طاب الفوح
مسيلة مخايل عارض(ن)شاقني وهبت…………………
هبوبه سنا الكادي مع الفل وصار يلوح
سلام(ن)كبير بالهوى للوله شبت…………………..
أسارير شوقه والوفا ما يعرف جنوح
نهادي الغرام بصدق وإخلاص وينبت…………………
تراتيل ولهان(ن)عناه الهوى ويبوح
