محمد جمعان الدوسري
والله أني من كثر ما أشوف في الدنيا لجاجه
صرت أخاف من الهموم اللي تغث اللي سلا
والله أني كلما ثارت على نفسي عجاجه
خفت لا تفري فؤاد(ن)تاه بالهم امتلأ
كلما برقت في ذا الوقت واعيتني فجاجه
هلت العبرة من أعيوني بحال المبتلا
وقمت أدور كل من حولي واتعبني عواجه
وضاعت الحيلة ولا أدري كيف حالي لانجلا
عاصف احزاني ورووح ووراني بهاجه///
وصارت البسمه تعاود فؤاد اللي خلا
ليتها راحت وليت الصبح اوقدلي سراجه
من حمل حملي من اسنينه تغثه لاختلا
في فضا النجوى مع الذكرى لو أذن بانفراجه
قلب معلول(ن)حزين(ن) ضعيف امكبلا
ووجدحالي حالتي والحزن يفسح لي فجاجه
ونزفي الساقي على حاله قديم وما أنجلا
وهمي العاتي تزعبر لي ولا عندي أعلاجه
والفياض المجدبه قالت لمثلي يا هلا
كلما لفيت راسي تاه حظي في عواجه
وزادت الشحنه على العاني بسم(ن)ماجلا
الربيع الزين خلاني على طارف سياجه
بين هنات الزمان اللي عن الفرحه سلا
ياكثيب الحزن”وخر ..تاه حالي بأعواجه
وحالتي بالحزن كني في خلاه مكبلا
الشجون المجدبه تسقيني المر بسماجه
عزتال اللي سرى في روعته والمبتلا
كم شربت الحزن واتعبني وذوقني هماجه
وكم تجرعت السنين وخاطري منها امتلا
وكم عرفت ان الشقي تشرق به ارجوم اللجاجه
وتبتعد عن كل حي(ن)حي لورده تلا
من عرف ربه وضم الصبر
فاز بزين تاجه
وراقب الله مايضيمه شي لوهمه علا
