محمد جمعان الدوسري
على مشرف نادي(ن)من الناس والهوجاس.
تطاردني أشباحه على كل مطلاعي
وأنا في فلاة طارفه و للرجا نسناس..
هبوبه تعالج مهجتي لادعا الداعي
أغني على المنكوس لحن بدون اقياس..
تشيل الحزون اللي لها القلب مرباعي
وأنا في وجوم الوقت قاعد ماحولي ناس…
أبرق في حالي والزمن قييد ذراعي
شربت التعب حتى ولفته وصار أكداس..
ومهما برى حالي يشيل الأمل باعي
يقولون لي خلك من الهم وإنس اليأس..
وأنا أقول معاذ الله مانيب جزاعي
ويقولون لاتجزع ترى للفرج مقباس..
وأنا عوذ بالله شاحب الوقت لذاعي
ولكن اسلي النفس ببوح(ن)سقى الإحساس….
يجيني وتكتبني إذا هاجسي فاعي
وأنا حيلتي أسري مع الليل وأشرب كاس…
من الشحنة اللي في فؤادي لها راعي
مطايا الشجون مدرهمه والحمل ماماس…
تعاليل منجوم(ن)من والوقت مرتاعي
أبصبر ورود الصبر والصبر لي ميناس..
وبشرب زلال من الرجا بوجد ملتاعي
