محمد جمعان الدوسري
رشمت الندوب اللي تجيني كذا وتطيش……
عساني ألد الطيش منها بمنقاشه
تلج المصايب والمصايب لها تشويش…..
على راس حي طارفه ثار رشاشه
أطارد سراب ضاع مابين روض وحيش….
يرش الرشوش وراش رشه بمرشاشه
وأنا أتل حظي تل شوك شرى بي فييش….
أتله ولكن راش مني كذا وناشه
كأنه سراب لج في لجه التهويش…..
تلافيف وجد لفني داخل احراشه
يصول ويجول بصول صول يبي تنعيش……
كفاني عنا هم(ن) كبير(ن)طما جاشه
تسابقت مع حظي وحظي غدا تشوبيش…..
أبجمع شتاتي غصب لو لفني غباشه
عظيم األم يسري بجاشي ولو بشويش…… على قد ماصوب علييه برشاشه
سهوم البلاوي ﻻرمت رميها مايطيش……
تسم الضعيف بسهمها وين ماحاشه
وتلول المصايب ﻻغزتنا تنش العيش…….. وتلوي الهموم بطارف الحي ﻻناشه
تعالت وطالت ثم طاشت على مافيش….. وعب الملاوي يبري الحال مجراشه
أبصبر”وابشرب صبر واصبر على التغبييش..
وأحوش الهموم إللي مع الوقت قشاشه
وابشرد وأبهرب وين مالدلي واعيش……..
بعيد(ن)وحيد(ن)ﻻغزا القلب وشواشه
تجاوزت حلمي لين لف الهوان أغبيش……..
وطنبتنا بالصوت غصب وعلاجهاشه
ركبت الأمل وإهتز وجدي بلا تهميش……
أبنسى ألهموم إن لج بالحال غطاشه
تعلقت بأوهامي وطيف(ن)يجي بشويش…….
بعد ماقعدت أدور وأحاول أنعاشه
هجرني الحنين وفر مني يجر الطيش……
وأنا ازوم زوم وزام حظي وﻻحاشه
ولكن بأحاول وأجتهد واترك التطنيش……
ترى الوقت أدمي غاربي وحط رشاشه
في رأسي وصال وجال وكنت أحسبه تهويش……
وهجيت منه وضعت عن درب طواشه
طوارف هموم(ن)فوق عزمي بها تغبييش…… رمتني بحزن(ن)حط لي غصب خشخاشه
أقلب دفاترغابش(ن) ناشها التهميش…….
تشوش وتطيش وتطلب الحظ بإجهاشه
أحب الجمايل و بالمثايل يطيب العيش……
و أنااشوف حظي ثابر وراش منقاشه
لوى وألتوى ولولا التلوي وطرد العيش……..
لماطاب للملتاع عيش(ن) وﻻعاشه
ابتحمل المقسوم ومااقدر على التحبيش……..
تجرعت حزن(ن)لفني فضول وشواشه
دخيلك تشوف بعين خلك بلا تغبيش…..
ترى أخوك وقف غصب في لجة إغباشه
