رابية الأحمد
ملاكي
انا بهاليوم زايد حنيني
لوجه الملاك وفرحة سنيني
قديش ضحت وع راحتي تسهر
وبأيدا مسحت الدمعة الحزينة
بلاك أنا غصن يابس وأزهر
حضنك دفا بحنانك تغمريني
بعدك صفي هالقلب متعتر
بلاك شو نفع هالعمر تقبريني
بحضنك ربينا صغار نتمختر
عطفك بحر للخير تهديني
وجودك الجنة و أفراحنا تعمر
همك اللي كان كيف ترضيني
رف الرمش للعين ماعاد أقدر
بعدك لمين بروح دليني
متلك حدا بهالكون ما بيقدر
يدخل هالقلب يسكن شرايني
قلبي يا أمي كتير متحسر
بوسك وضمك وعاصدرك تحضنيني
وجهك ال كان ضاوي ليش
اصفر
بعد ماكان نجوم بكوانيني
تراب القبر من شالك تعطر
كيف عني رحتي وتركتيني
طالت الغيبة وقلبي أنا أتدمر
اذا جنيت يا أمي عذريني
