Jannah Theme License is not validated, Go to the theme options page to validate the license, You need a single license for each domain name.
الأدب والشعر

هذا قضاء الله

الشاعر أحمد عبد الحق

الشاعر أحمد عبد الحق

هذا قضاء الله

كن فيكون

من غير ماأرتب في الحروف

من غيرمااذوق في الكلام

الخلاصه هذا  قضاء الله

وهو ده طبع الحياه

ناس وغرقانين في الرذيلة

ناس هدومها سترها

وناس شيلتها تقيله

ناس بتتجمل بناس

وناس من جوها جميله

ناس بتكمل عشاها نوم

وناس مكسورة هموم

وناس بتركع

ناس تصوم

وناس كل ماتتجمل

تلاقيها من جواها بوم

وناس بتحرق قلب ناس

وناس بتسرق حلم ناس

وناس تتشال فوق روؤس

وناس لامؤاخذه

عايش يادوب اللي حيلتها

هدمتين مرقعه

رقعة في مداس

هذا قضاء الله

كل يوم مولود بيجي

يتكتب في خانه أسمه

وخانه تاريخ ميلاده

طفل وطالع من السكوت

ونسي يكتبوا خانة

عنوانها أخرتك والله موت

هذا قضاء الله

شمس هناك بتحرق

وهنا يتمنوا تطلع

هناك جفاف بيسرق عطش

وهنا نفوس جعانه

عمرها ماتحمد وتشبع

هناك أوراق خريف

معلش حبة تخاريف

وهنا زلزال مدمر

رعب من الجوع

عيشة مليانه تهويش

لا والله عيشة تخويف

الصورة مصابة بتشويش

هناك مجاعه

مش لاقين تمن الوجع

ياضاربين الودع

أبسط حياه وأتعسها

لما تحب الحياه

متلاقيش تمن الرضاعه

يادي الفظاعه

هذا قضاء الله

هي كده

ولا كده

هي حياه

سوق كبير

إحساس مرير

لما تحس نفسك

بقيت قليل

بقيت رخيص

خسرت كمان تمن البضاعه

هذا قضاء الله

تبقي هنا أو تبقي هناك

لازم تعيش نفس الحياة

 

مقالات ذات صلة

زر الذهاب إلى الأعلى