محمد جمعان الدوسري
ألاياوجودي وجد عود(ن)يجراخطاه
ودربه هلاش ولزته قلة الحيله
تحداه وقته والاسى والتعب يبراه
جفاه الزمان بمالقى من تهاويله
سنين طويله تطحنه وأشتقى مسراه
وهو في هزيم الحال واقف على حيله
دموعه تزعبر له وضول التعب غطاه
ووجنات خده ترتوي من هماليله
عدت صفحة
أيامه وولت بحلم اصباه
دفن حزنها حلمه
وذبلت أكاليله
ورغم التعب والهم والحزن واللي جاه
يزايم حلومه لين زادت تهاويله
ودلى يبرق في حياته وضج وتاه
يروح ويجي والهم يزعج مواويله
وهو في هزيم الحال ماشي يجر اخطاه
يطارد سراب الحلم الاول ولا يشيله
طوته السنين ومالقى حاجته وأشقاه
شبابه وطال الوقت وأزرت حلاحيله
ولا له خوي(ن) فارع(ن)لاشتكى ينصاه
عوين(ن)على الشده إذا ضاق يأوي له
سوى الحلم وأوهام كثيره تجي وتنساه
واذا شافها ساعة تلاحت تعاليله
عسى الله يسهل له ولايلتوي مسراه
وتشرق حياته بعد ماكانت محيله
