يا اما حبك

يا اما حبك مش كلام

أو رواية والسلام

مهما قلت يا أمي عارفة

لو بعدتي مش بنام

أنت شمعة ونور لقلبي

لما بيحل الضلام

يا اما حبك دا حقيقة

ضحكتك صافيه ورقيقة

آه بقولها ومش هخبي

صعب أبعد لو دقيقة

وإزاى أبعد وأنت عمري

شط لبحاري الغريقه

يا اما قلبي بيناديك

ردي أيوة ما تسكوتيش

نظرة واحدة من عنيك

شمس نفسي ما تغربيش

لو هضحي بعمري كله

آه هضحي وما تغبيش

باعترف من غيرك أنت

دنيتي ما تهمنيش

تسوى إيه الدنيا يا اما

غير حنانك ما تلاقيش

لو نسيت كل اللي عدى

اسم أمي ما يتنسيش

اسم محفور جوا قلبي

شوقي ليك ما ينتهيش

يا اما ضحيتي بحياتك

كنت عنوان الكفاح

لما ببكي ألقاك جنبي

دعوتك أقوى سلاح

مهما ليل الدنيا طوِّل

بكرا راح ييجي الصباح

لما أمي تكون معايا

بنسى وياها اللي راح

بنسى همي وكل حزني

هيا سري في النجاح