رابية الاحمد
علواه يا أمي
علواه يا أمي ترجعي شي نهار
ضمك انا وأغفى وانتي تضميني
نقعد سوا و نحكي لبعض خبار
عالصار فية يانظر عيني
صورتك بعدا بخزانتي تذكار
وشالك اللي كنتي في تغطيني
وفستانك الابيض مزين بأزهار
روايح عطر فاحت رياحيني
ولمسة ايديكي فيها دوا وسرار
وخرزة الزرقا من العين تحميني
بتتذكري الحبقات وشجرة الجلنار
المنتور والجوري وياسميني
الجارات والسهرة ع باب الدار
وضحكاتك من الهم تشفيني
وصوتك الناعم بيلفت الأنظار
وقت الصبح بيطل يحييني
بعدك ياأمي هالقلب منهار
ومين اللي متلك ياروح يرويني
حكم القدر ومتلو الزمن غدار
غيابك مو سهل يبس شراييني
ياريت نرجع متل ماكنا صغار
نعيش بسعادة وحب ياتقبريني
بقلمي رابية الأحمد
