محمد جمعان الدوسري
على اطلال بيت(ن) كان في ما مضى موجود…….
سكناه وحنا الصغار ولازال في البالي
تفيئتنا إظلاله وأنا خاطري ملهود……..
اطالع شفوف الأمس مابين الأطلالي
في بيت(ن)حواه الطيب والود فيه يسود…. عبير(ن)من الماضي وابرويه لعيالي
وأبرسم لهم شكله وأنا أحن له وأعود………
لذاك المكان اللي ولفنا بلا اجدالي
وأنا في خضم التيه العب بدون احدود……..
مع ربعي الغالين عندي وبالحالي
في حوشه اشوف أمي وهي في فناه تجود…….
علينا أنا وربعي وبالود تختالي
شروق إبتسامتها يجيب الهنا ويزود…………
تجهز لنا الواجب وتحضر دلالي
وهي تدور وسط البيت لو هدها المجهود……….
تلاحي الصبر رجوى اجيها وأنا سالي
وهاذيك هي تجلس مع خالتي والعوود………..
معاهم ويقراء الورد في حلو ترتالي
الى من ضحك اشرق علينا وحنا قعود………
معاهم في فيي البيت في حب وإجلالي
ونطلع من المجلس الى الشاطئ المعهود…….
هماليل اشجان(ن) تلاحت بدرفالي
نلف السكيك اللي حوتنا ومهما تكود……….
نعشق الصعاب ونشرب المر والحالي
من الصبح لين الليل مع حظنا المحمود……..
نطارد أمانينا ولو كانت اجلالي
نروح ونجي للدار باشواقنا ويسود……..
علينا هميم الليل والحب ختالي
وإذا عدتنا للبيت وما لفنا منقود……….
لفتنا إبتسامتها وهي تشرح البالي
تلافيف افكار(ن) قديمه تجي وتعود………..
على شاعر(ن)ملتاع باطياف ترحالي
تنفستها بأشواق لاحت وأنا مفؤود……
وقمت أتملاها مع عزف موالي
وبنقل نسايمها ولوكان عندي زود……….
لكم مع هبوب الأمس صب(ن)بلاجدالي
