الأدب والشعر
لأصحاب العقول


ليلي براده _المغرب
لعقل لصحاب العقول،
للي يفكّروا مزيان،
ماشي فالشبعة
أو فنزوة مع الوقت تزول،
ويصبحوا حديث كل لسان.
وانتَ يا الغادي على هواك،
يا الداخل فالحرام عرض وطول،
دير التوبة طريقك
وتسلّح بالإيمان،
حسب ألف حساب وتصرف بالمعقول.
لا تكون فقيه فمحراب الشيطان،
الدنيا ما دايمة لحد،
وحكمة من عند العالي تقول:
“كن فيكون” وكولشي يصبح فخبر كان.
لا تغويك نزوة،
ختار الزين من الحلول،
ودير التقوى عنوان،
ولا تشري الدنيا بالآخرة
وتموت مدلول.