الشاعر محمد عبد العزيز رمضان
كانت حكاية،
أولها إنتِ،
وآخرها إنتِ،
مالهاش نهايه
إزاي أعيش
من غيرك إنتِ؟
إزاي أعيش
يا حب غالي عليّا؟
أيوه، ماينتهيش.
فاكر حنانك،
كل كلمة ماتتنسيش.
أول ما شفتك،
ضحكتي كانت معايا.
إنتِ حبيبتي، ودنيتي،
إنتِ البداية.
إنتِ اللي جنة ربنا
برضاكِ يا أما.
لو يوم غضبتي عليّا،
أيوه، هتبقى ضلمة.
خايف يا أمي،
أيوه خايف من غيابك.
نفسي أدق،
في كل مرة أدق بابك،
وألقاكي يا أما
بتفتحيلي، وتحضنيني.
يا حبيبتي يا أما،
يا غالية إنتِ،
يا ضيّ عيني.
أنا نفسي أقدّم
ليكِ عمري،
ومش كفاية!
أديكِ قلبي، وروحي، وعمري،
ودا منايا.
فاكرة يا أمي
لما كنتِ تجمعينا؟
بإيديكِ إنتِ
تلبّسينا، تأكّلينا؟
أنا مهما أعمل،
مش هوفّي في يوم جميلك.
أنا نفسي يا أما
بدعي ربي أرد دينك.
