الشاعر محمد عبد العزيز رمضان
كان نفسي مرة أكون معاك
كان نفسي مرة أصدقك
يا خسارة قلبي صبح وحيد
كان كل عمري بيعشقك
هبعد بعيد وانسى اللي فات
حبك في قلبي حبيبي مات
ما فضلشي غير الذكريات
ضاعت خلاص أجمل حاجات
يا شمس حبي ما تشرقي
لو يوم بعدتي بتحرقي
جوايا فرحي وتخنقي
ليه تجرحيني تفرقي
نفسي اللي عدَّى في يوم يعود
حبك في قلبي مالوش حدود
عيشتني في وهم ووعود
حبك خداع ومالوش وجود
بعدك دا كان الإختيار
رغم إنه كان أصعب قرار
والليل طويل مالهوش نهار
جوايا حزن دموع ونار
ياما خدعني وقال كلام
ورماني بين آهه وخصام
والحلم تاه جوا الزحام
أنا كنت لعبة والسلام
