محمد جمعان الدوسري
في خلوتي قاعد وأنا فاتح الجيب……………….
في راس طعس(ن) اشتوي من لهيبه
تسرح هواجيسي وتطيش وتغيب………………..
بين الفجاج الناديات الرحيبه
متوسد(ن)كفي ومن دون ترتيب……………….
نادى الهوى للمشتقي وقمت اجيبه
ومن طابت أفعاله وله عزم ما يخيب……….
والرأي لامن صح ما فيه ريبه
احد(ن)لبس ثوب (ن)من الرفق و الطيب……….
اينومسه مع ما كسب حسن طيبه
يفتل حبال الراي في قوله مصيب…….
وراعي البصيره له شعاب(ن)رحيبه
ومن ينكر المعروف يسرح مع الشييب…….
وإن كان داس الجهل الله حسيبه
دور على خل(ن) بعيد(ن)عن الريب……
صاحبك لمن طاب يصفى سريبه
ومن زان فعله عاش ما يقرب العيب….
واللي دخل روضه شرب من قليبه
كم(ن)جهول و
يحسب إن رايه مصيب……….
وإذا تروى شاف ما يستريبه
أحد(ن)وصل لغايته دون ترتيب…….
واحد(ن)من البلوى شبع من نحيبه
وناس(ن)لهم مع فسحةالراي تصويب……
وبعض الاراوي لا لفتنا غريبه
لاصرت متوجس فلا تقرب العيب…….
من لا يحاسب يحتمل مايصيبه
خواطر(ن)جتني من غير ترتيب…….
والبوح جاز وساق لي عندليبه
