سمير الشحيمى
خارج الكلية
بالسياره شاهين يتكلم بتلفون مع باشق وصكر الخط وبجنبه شيهانه اللي كانت صامته طول الوقت ثم قال: حسك عينك تقولي حق أبوي أو أمي إن أنا طلعت من الكليه.
شيهانه صامته ما تتكلم قال شاهين : شوفيك ساكته سمعتي اللي قلته؟
شيهانه : أيوه سمعت لا تحاتي.
شاهين : شوفيك؟ فيك شي؟ ما طبيعيه اليوم.
شيهانه : مافيني شي بس تعبانه ومرهقه من المحاضرات.
شاهين : قربنا نوصل البيت.
تعود شيهانه لصمتها.
صقر بالسيارة متجه إلى المنزل يرن هاتفه المتصله رحمه : هلا وغلا رحمه شحالك.
رحمه : اهلين صقر بخير لله الحمد.
صقر : كيف كان الدوام ؟
رحمه : كالعادة مافي شي جديد.
صقر : كيف الصغاريه والأهل كلهم بخير؟
رحمه : طيبين لله الحمد.
صقر : يالله الحمدلله.
رحمه : متى راح تجي مسقط؟
صقر : ليش في شي؟
رحمه : أبوي يبي يشوفك وسألني عنك.
صقر : في شي ضروري لما سأل عني؟
رحمه : أنت تعال بأقرب فرصه عشان تعرف شو يبي منك.
صقر : انزين أبي أعرف شو فيه؟
رحمه : خبرتك ماقال لي شي بس قالي كلمي زوجك خليه يمر علي بأقرب فرصه.
صقر : الله المستعان خلاص بشوف كيف أموري وبخبرك.
يغلق الخط
جيهان تدخل غرفتها وتصكر الباب وراها وتتصل على باشق : الو باشق شحالك وينك اليوم ماداومت بالكليه ماشفتك؟
باشق : هلا بنظر عيني موجود بس كنت بالبيت راقد مالي خلق حق الدراسه اليوم.
جيهان : لما أنا رسلت لك رساله الصبح قلت راح تجي بس متأخر.
باشق : صحيح كلامك بس بعدين حسيت مالي خلق وكملت رقاد.
جيهان : نوم العوافي.
باشق : اشتقتيلي.
جيهان : افتقدتك.
باشق : يعني اشتقتيلي.
جيهان تبتسم بخجل.
منزل صقر
سلمى تصب الشاي لصقر وبحضنه العنقاء وجراح بجانبه وتناول كوب الشاي وقال :مشكوره الغاليه.
سلمى : عافيه.
صقر : وين العيال الكل مختفي من بعد ماتعشينا.
سلمى : حسناء بغرفتها تذاكر.
وشيهانه بالمطبخ وشاهين وباشق برا البيت.
صقر : يالله زين ، أنا باكر بسير مسقط يومين وبرجع معاي كم شغله بسير اخلصها بالمؤسسه.
سلمى : باكر الخميس واللي بعده الجمعه مافي دوامات الجمعه.
صقر : أدري بس بجلس مع الشباب شوي من زمان ما جلسنا مع بعض.
سلمى : بالتوفيق الغالي ربي يحفظك بحلك وترحالك.
تطلع شيهانه من المطبخ تسأل أمها: خلصت غسيل الصحون تامري بشي ثاني؟
سلمى : مشكورة حبيبتي.
صقر : تعالي شربي شاي معانا.
شيهانه :عافيه عليكم تعبانه بروح انام.
سلمى :تمام حبيبتي روحي ارتاحي أحلام سعيده.
ذهبت شيهانه وهيه صامته تفكر بحادثة اليوم ولما وصلت باب غرفتها رن هاتفها كانت نادره: هلا نادره.
نادره : هلا حبيبتي شيهانه طمنيني عليك.
شيهانه : على حطت ايدك مافي جديد.
نادره : معاي مبلغ بالبنك صح مب وايد بس على الأقل نسكت اللي نقدر عليهن.
شيهانه : ماراح يكفي أنا عارفه حتى المبلغ اللي معاي ومع مبلغك ماراح يكفن لفلوس شيخه أهم شي انسكت شيخه باقي البنات مقدور عليهن من نفس الشله.
نادره : والعمل؟
شيهانه : على الله راح تنحل لبكره.
غرفة منير
شاهين مع منير يلعبون بلايستيشن كرة قدم خلص اللعب قال منير : كالعادة أنت تفوز.
شاهين يضحك: كل وقتي على اللعبه ماتبيني أدمنها.
منير : ماعلينا وين رحت اليوم من طلعت برا الكلية؟
شاهين : رحت الكافيه وجلست أتابع تلفزيون واشرب كوفي وطلبت كيك.
منير : زين زين أمورك طيبه.
شاهين : وأنت أطيب أنا استأذن برجع البيت.
منير : الأمور طيبه بس على فكرة شو راح تسوي بموضوع أختك؟
شاهين مستغرب : أختي؟ أي موضوع؟
منير : ماتعرف شو صار اليوم بالكليه؟شكلها ماقالت لك.
شاهين : شوفيه تكلم!
منير صمت يكلم نفسه : شو خلاني اتكلم.
شاهين : اكلمك أنا شو صار اليوم بالكلية مع أختي.
منير : اوك بخبرك لا تصارخ . بدء منير بالحديث.
باشق مع محمد يمارسون رياضة المشي بالممشى وقال له : شو ترتيبات صلاله؟
محمد : هاي السنه المود سفره إلى شرق آسيا.
باشق : حظك وين بالضبط؟
محمد : ما أعرف بنشوف أنا واعيال العم بعدها راح نقرر.
باشق :حظك اعيال عمك جنبك أنا اعيال عمي ساكنين برا البلاد.
محمد : زين تزوروهم.
باشق : اخر مره شايفهم من كان عمري 10 سنوات.
محمد : من زمان كثير.
باشق : على الله ياخوي.
يتذكر باشق طفولته مع اعيال عمه.
اقراء أيضا: عائلة صقر…الفصل الحادي عشر
يتبع…
