محمد جمعان الدوسري
حق(ن)على الشاعر يجهز عتاده….
ولاصار في ذكر النبي يجتهد فيه
ويقول قول(ن) يستوي باجتهاده…
وابذكر خير الخلق تسقى سواقيه
وللهادي المحمود يشحذ رشاده….
واذا شرع في القول الله يقويه
لك يارسول الله روح القياده…
تعطي ولا تخشى الزمن او تجافيه
منك عرفنا الدين وذقنا براده…
ياسعد من طاعك وطابت مساعيه
صفاء نورك كيف نخشى خماده……
وانت الصفا للكون اول وتاليه
الصدق من قولك سنام الرياده….
فيك استقام الحق وزانت مجانيه
ياخير خلق الله سمات وزياده……
تاج الجمايل في يدينك تهاديه
الجود والمعروف حلمك مداده…
والرفق في كفك هماليل ناديه
ماهي غريبه وانت طب السعاده…….
من شاف زولك راح ماكان يشقيه
يحظ من ادرك سنام القياده…
لاسار في درب النبي أو مشى فيه
يجني نعيم الخير ويزكا رشاده…
ويطيب حاله وينتهي ما يعانيه
في يوم مولدك الحصى في حماده….
سبح وكبر وابتهج في نواحيه
ايوان كسرى شاف بذرة هداده……
ونار المجوس انجب ماكان بذكيه
نور من الله يحرسه في جهاده…..
يروح يرجع والسعد في سواقيه
وابليس افلس ما سمابه مراده….
كل مابني له صرح تسقط مبانييه
حتى الحصى سبح في كل جاده….
أن مره الهادي بحب(ن) يناديه
حبه فريضة ومن أساس العباده….
من لا يحبه كيف تشرق مساعيه
وأنا لزمت الحق ذكر وأشاده……
للصادق المصدوق بالحب اهديه
