المهدي تركي الرياحي جدة . السعودية
طوٌل غيابي عليك وقلت تنسيني
وجيتك وعادة حياة الحب لا أولها
احس صوتك من الغربة يناديني.
مشاغلي كل ما أسمع صوتك اهملها
يمديك بالوصل وأنا فيه يمديني
وصالك احلى ليال العمر واجملها
قربك هو اللي عن الوحدة يدفيني
وحياتي ان حاط فيها اليأس عدلها
وأسمك مسح كل الأسماء من عناويني
أقراء حروفه و تسعدني وارتلها
حتى لو البعد يرهقني ويضنيني
ونفسي من العشق يقتلها تزملها
أقل شئأً يجيني منك يرضيني
ويكبر ويأخذ مساحة و اتحملها
أنا لو أصأفحك هذاه يكفيني
حطي يدك في يديني لأجل اقبلها
ربي خلق كل شيً فيك يغريني
يكثر ما أخلى بنفسي واتأملها
من سحبك الممطرة عطشان واسقيني
كبدي على ماك يابستٍ بلايلها
لو كان تبطي بها ما إحنا بعجليني
ابننتظر لين ما ربك يسهلها
خذي حياتي وخلي لي نظر عيني
من شان اشوفك واغمض وانتِ داخلها
صورتك فيها تجمل باقي سنيني
وأنسى الذي شافت عيوني من اولها
يكبر حجم الوفاء اللي بينك وبيني
وسنيني اللي مضت من قبلك اهملها
على محبتك لا. لا. لاتوصيني
حبك وصل بي أمورٍ وانت تجهلها
حبي لو أقسمه يسعد ملاييني
ويطهر أجساد بعض الناس وعللها
