الشاعر محمد عبد العزيز رمضان
مابين كلامنا كلام
ما بين غرامنا غرام
مابين حروفنا خصام
نفسي يكون أحلام
ساعات بقولها ساعات
كان بنَّا أغلى حاجات
بس اللي بنَّا أهو مات
عدى يا قلبي وفات
قلوب بتكوي قلوب
شروق مالهش غروب
حكاية بالمقلوب
بحبه أيوة وأدوب
خلاص بقوله هغيب
عنك يا أغلى حبيب
ما فيش ما بنَّا نصيب
قلبي مالهش طبيب
حبيتك أنا بهواك
حبيبي قلبي معاك
عمري وروحي فداك
صعب ف يوم أنساك
مهما بعدت بعيد
حبك ف قلبي شديد
طب ليه تسيبني وحيد
تايه حزين وشريد
مش لاقي ليا مكان
حبيته أيوه وخان
فكرته يوم إنسان
باعني كسرني وخان
سقاني قسوة وويل
وسهرت طول الليل
أبكي وأقول مواويل
كان نفسي قلبه يميل
رماني ليه في النار
مش لاقي ليه أعذار
مهما يقول غدار
بكرا الزمن دوار
