ليلي براده_ المغرب
قالت ليه
فين مشيت
وفين غبت
شكون خطفك
شكون عوجك
مابقيت نشوف
فعينيك لا صورتي
لا عنواني
ما بقيت نشم فيك
عطري
ما بقيت نسمع
كلامك لي كان
يطربني
فين قصايدك
فين حروفك
فين لهفتك
فكل مسا و فجر
فين حنيتك
فكل شدة
وكل رخفة
ضاعت كل أحلامي
من مكاني
تسرقات مني أمل
زماني
بقيت نتسائل
فين أنا التايها
ف تفاصيل حبك
كل ما فيك
غرني وهواني
ودخلني حقل
السعادة بوعودك
الكذابة
خليتني نعيش
الدهشة و الحيرة
الصمت سكني
وجرحك بكاني
وكاس الانتظار
بهجرك كواني
وخلاني ياناس
نعاني
ارحل
سير فين بغيت
لي شفت منك
كفاني
وخلاني يا ناس
نعاني
