الشاعر محمد عبد العزيز رمضان
سؤال وجواب ومش لاقي
إجابة لنفسي على نفسي
ودمعة قلبي مشتاقة
للحظة فرحة من نفسي
وآها بتجري ورا آها
ومش لاقية خطاويها
وكل الدنيا وخداها
وماشية في توهه وحديها
وناس ماشية وحسباها
بفرحة وشوقه تحكيها
وناس مع ناس بتتقابل
وناس الدنيا تلهيها
وخايف أيوه أنا خايف
ومش لاقي لخوفي جواب
ونفسي أعرف ومش عارف
أخبي شوقي للأحباب
وقلبي اللي انشغل بيهم
عرف إنه أمل كداب
وضاع الحلم ضاع مني
وسبني وراح بعيد عني
سقاني المر من كاسه
بحبه أيوة وشغلني
وغرقني في بحر هواه
وعيشني في توهه معاه
وبكاني وأنا ويياه
ومش قادر كمان أنساه
